Vikalaang Jeevan Ke Sandarbh Mein Hindi Upanyaason Ka Adhyayan

Abstract

Prastut shodh-prabandh vikalaangon ke jeevan se jude anek pahaluon ka vishleshan karta hai. Isake liye vibhinn upanyaaskaron dwara bhinn-bhinn kaalkhand mein rachit aise baaees upanyaason ka chayan kiya gya hai, jinamein koi-n-koi pramukh ya gaun vikalaang paatr vikalaangon ke jeevan se jude kisi-n-kisi paksh ko ukerata hua nazar aata hai. Sampoorn shodh-prabandh ko nau adhyaayon mein vibhajit kiya gaya hai. Bhaarat mein vikalaangon ke liye bane kanoonon mein vikalaangata ke jin-jin prakaaron ko manyata prapt hai, unhin ka pratinidhitva karne waale vikalaang paatron ko shodh ke liye chuna gaya hai. In paatron ke madhyam se ling, aayu, varg, aadi ke aadhaar par vikalaangon ke utpeedan ke swar ukere gaye hain. Inake jeevan mein aane waali chalane-firane sambandhi evam shiksha, vivaah, rozgaar, samayojan aadi ke kshetra mein aane wali samsyaaon ko vartmaan sandarbh mein jodakar vivechan kiya gaya hai. Upanyaason mein chitrit vikalaang-paatr akelapan, kuntha, nirasha aadi mansik sthitiyon se grasit hain ya sakaratmakata ke sath apna jeevan-yaapan kar rahe hain, in donon hi sthitiyon ke liye kaun-kaun se kaarak zimmedaar hain, is par bhi prakaash dala gaya hai. Sangharsh ke sath-sath unake sashaktikaran ke prernadayak sandarbh bhi uddhrut kiye gaye hain. Shodh ki disha mein ek naya vishaya hone ke kaaran yah shodh-prabandh apni ek vishesh mahatta rakhata hai. newline